Irun | |
---|---|
Gipuzkoa, Euskal Herria | |
Administrazioa | |
Estatua | Espainia |
Erkidegoa | Euskal Autonomia Erkidegoa |
Lurraldea | Gipuzkoa |
Eskualdea | Bidaso Beherea |
Izen ofiziala | Irun |
Alkatea | José Antonio Santano |
Posta kodea | 20300 - 20305 |
INE kodea | 20045 |
Herritarra | irundar |
Kokapena | |
Koordenatuak | 43°20′16″N 1°47′20″W / 43.33781°N 1.78881°WKoordenatuak: 43°20′16″N 1°47′20″W / 43.33781°N 1.78881°W |
Azalera | 42,8 km² |
Garaiera | 20 m |
Distantzia | 18 km Donostiara |
Demografia | |
Biztanleria | 62.910 (2020) 509 (2019) |
Dentsitatea | 1.469,86 bizt/km² |
Hazkundea (2003-2013) | % 5,3 |
Zahartze tasa | % 15,63 |
Ugalkortasun tasa | ‰ 41,35 |
Ekonomia | |
Jarduera tasa | % 78,53 (2011) |
Genero desoreka | % 2,99 (2011) |
Langabezia erregistratua | % 13,21 (2013) |
Euskara | |
Euskaldunak | % 35,85 (2010) |
Etxeko erabilera | % 20.78 (2016) |
Datu gehigarriak | |
Sorrera | Oiasso (?) herrixka baskoia >portu erromatarra. Hondarribitik independizatua. |
Webgunea | http://www.irun.org/ |
Irun Gipuzkoako ipar-ekialdeko muturrean dagoen udalerria da, Bidasoaldea eskualdean eta Txingudi badiaren bazterrean. 59.673 biztanle dituelarik, Gipuzkoako udalerri jendetsuenetan bigarrena da, Euskal Herrikoen artean zazpigarrena. Irunen Gipuzkoak Lapurdirekin eta Nafarroa Garaiarekin ditu mugak.
Irun iparraldean dago Espainiako eta Frantziako estatuen arteko muga eta pasabidea, Pirinioetako ekialdean. Kokagune horrek sakonki eragin dio Irunen jarduera ekonomikoa eta sozialari. Erdi Aroan, muga zaintzeko funtzioa zuen Irunek, horregatik haren armarrian "Vigilantiae Custos" latinezko esaldia dago idatzita. Ikuspuntu militarraren arabera, garrantzi handiko tokiak ziren Irun eta Hondarribia eta horregatik Karlos V.aren gaztelua (mende batzuk lehenago Nafarroako Erresumako errege Antso Abarkak eta Antso Nagusiak eraikia eta egokitua) eta Gaztelu Zaharra daude bi herrietan. Bestalde, Madrilgo eta Parisko trenen lotura Irunen dago. Espainiako eta Frantziako errepide eta batez ere autobide sareek bat egiten dute Irundik oso gertu, Biriatun.
Hiriaren ekonomia Frantziako eta Espainiako estatuen arteko mugaren garrantzian oinarritzen da, eta horren erakusgarri, Behobia barrutia da, bertan ZAISA dorrea deituriko ofizina dorrea dagoela. Bi estatu horien arteko mugarik garrantzitsuena da, Kataluniako La Jonquerarekin batera. Garraio-, trenbide- eta logistika-lotune nagusia ere bada, industria- eta merkataritza-gunea izateaz gain.
61.419 biztanle zituen 2008an.
Geografiaaldatu | aldatu iturburu kodea]
Ingurune naturala eta klimaaldatu | aldatu iturburu kodea]
2011. urtean, Europako Justizia Auzitegiak ebatzi zuen Irunek (Hondarribiarekin batera) oraindik ez zituela hondakin urak arazten. Eginbehar hori 2000. urterako bete beharrekoa zen.
Mugakideakaldatu | aldatu iturburu kodea]
Honako herri hauek ditu mugakide:
- Nafarroa Garaikoak: Bera eta Lesaka
- Gipuzkoakoak: Oiartzun, Lezo eta Hondarribia
- Lapurdikoak: Hendaia, Urruña eta Biriatu
Hondarribia | Hondarribia eta Hendaia | Hendaia, Urruña eta Biriatu | ||
Oiartzun, Lezo eta Hondarribia | Urruña eta Biriatu | |||
| ||||
Oiartzun eta Lesaka | Bera, Lesaka eta Oiartzun | Biriatu eta Bera |
Auzoakaldatu | aldatu iturburu kodea]
Zenbait auzok osatzen dute Irun:
Historia laburraaldatu | aldatu iturburu kodea]
Irungo udalerrian kokatzen diren aurrehistoriako monumenturik zaharrenak Neolito-Brontze Garaiko Burkalleku eta Iratzebizkar I trikuharriak, Iratzebizkar II tumulua eta Arburuko Borda harrespila dira, 2020. urtean Iñigo Txintxurreta Diazek aurkituta. Irungo aurreneko biztanleen jatorria guztiz ezezaguna dugu gaur egun; arkeologiako azken indusketen arabera, berriz, Erromatarrak izan ziren nagusi Irunen sorreran (agian, Oiasso bera).
1200. urtera arte Nafarroako Erresumaren parte izan zen baina orduz geroztik Gaztelako Erresumaren menpe geratu zen.
Urte askotan, Irun Hondarribiaren menpe izan zen. 1203. urtean, Gaztelako Alfontso VIII.ak Hondarribiari eman zion Hiri-gutunean aipatzen da Irun, idatziz lehenengo aldia. Hiri-gutuna 1203ko apirilaren 18an izenpetu zen, Palentzia hirian. Orduz geroztik, "Irun-Urantzu Unibertsitateak" berezko eskumenak izan zituen arlo politiko, ekonomiko eta militarrean, baina arlo zibil eta kriminalak Hondarribiaren menpe jarraitu zuen, harik eta Karlos III.a Espainiako Erregeak, 1766ko otsailaren 26an izenpeturiko errege-zedularen bidez, Irun-Urantzuri independentzia eman zion arte.
Gatazka militar bat baino gehiago izan dira Irunen. Horietako bat, gaur arte ekainaren 30ean urtero ospatzen den San Martzialeko gudua, 1522. urtean Gaztelako Erresumako armadak Nafarroako Erresumakoa menpean hartu zuenekoa da: nafar gudariek Nafarroako Erresuma berreskuratzeko egin zuten azken ahalegina izan zen. Gaztelar gudariek nafarrak kanporatu zituzten Aldabe mendiko gudaldian, San Martzial egunean (ekainaren 30ean); hori dela-eta, mendi tontorrean San Martzial baseliza eraiki zuten eta, orduz geroztik, Irungo jaiak eta alardea ospatzen dira data horietan.
1659. urtean "Pirinioetako Bakea" sinatu zuten Konferentziako Uhartean edo Konpantzian, Behobian. Bakea Frantziako erregearen (Eguzki Erregea) eta Espainiako Maria Teresa infantaren arteko ezkontzarekin berretsi zen. Hala ere, bakeak ez zuen luzaroan iraun.
1813an, San Martzialeko bigarren gudua izan zen, Espainiako Independentzia gerra zela eta. Hartan, Wellingtongo dukeak gidatzen zituen espainiar-ingeles-portugaldar osteek penintsulatik bidali zituzten Napoleonen soldaduak.
Hurrengo urtean, 1805. urteaz geroztik Nafarroa Garaiko probintziaren barnean egon ondoren, Irun Gipuzkoako herri bihurtu zen berriro ere 1814.urtean eta lurralde horretan jarraitzen du gaur arte. Hori ez zen izan Nafarroaren baitan sartzeko ez lehen ezta azken ahalegina ere; izan ere, Hondarribia (Irun haren parte zen) 1638 eta 1655 urte bitartean saiatu zen lehen aldiz eta, azkenekoz, 1936ko gerra amaitutakoan Nafarroa Garaian sartzeko eskaera egin zuten Irun eta Hondarribiko alkateek. Irunek liskar gehiago ere bizi izan zituen, hala nola 1837. eta 1874. urteetan izan ziren karlistadak. Horien ostean, 1936ko gerrak hiriaren gehiena suntsitu zuen.
Irunek Hondarribia eta Hendaiarekin batera Txingudiko metropoli-eremua osatzen du, 120.000 biztanle inguru dituena.
Azpiegiturakaldatu | aldatu iturburu kodea]
Kirolaaldatu | aldatu iturburu kodea]
- San Martzial Txingudi Kirol Gunea
- Artaleku udal kiroldegia
- Azken Portu udal kiroldegia
- Urantzu pilotalekua
- Artiako kirol gunea
- Pinudiko kirolgunea
- Plaiaundiko kirol instalazioak
- Larreaundiko kirol instalazioak
- Ugalde-Kateako udal kirol instalazioak
- Arraunketa eta piraguismo pabiloia
- Stadium Gal
- Ramuntxo Berri trinketea
Kulturaaldatu | aldatu iturburu kodea]
- Amaia kultur zentroa
- Liburutegia
- Menchu Gal erakusketa aretoa
- Munduko tximeletak museoa
- Oiasso museoa
Hezkuntzaaldatu | aldatu iturburu kodea]
- Martindozenea gaztelekua
- Musika eskola
- Udal pintura akademia
- Zeramika tailer munizipala
- KZ gunea
- Haur txokoa
- Emei udal haur eskola
- Udal euskaltegia
Gizarte zerbitzuakaldatu | aldatu iturburu kodea]
- Ama Xantalen eguneko zentroa eta nagusien egoitza
- Iraso nagusien zentro soziala
- Luis Mariano nagusientzako zentro soziala
- Zubia inklusiorako zentroa
Demografiaaldatu | aldatu iturburu kodea]
2019an 59.899 biztanle zituen hiriak. Horietatik %21,62k 65 urte edo gehiago zituen. Atzerrian jaiotakoak %13,81 ziren.
Biztanleriaren bilakaeraaldatu | aldatu iturburu kodea]
Politikaaldatu | aldatu iturburu kodea]
2015eko udal hauteskundeakaldatu | aldatu iturburu kodea]
2015ko maiatzaren 24ko hauteskundeetan Euskadiko Alderdi Sozialistak hamar zinegotzi eskuratu zituen, aurreko udal hauteskundeetan baino bat gehiago. Euzko Alderdi Jeltzalea bigarren geratu zen, bost zinegotzirekin, baina oso hurbil geratu zen Irun Ahal Du taldea, beste bost zinegotzirekin baina boto gutxiagorekin. Euskal Herria Bilduk hiru zinegotzi eskuratu zituen, aurreko hauteskundeetan Bildu koalizioak eskuratutakoetatik bi galduta. Alderdi Popularrak beste bi lortu zituen, aurretik zituen bostetik hiru galduta. Azkenik, Ezker Batua - Berdeak zinegotzi bat zuen 2011ko hauteskundeetatik, baina Irabazi taldeak ez zuen bat ere lortu 2015ean.
Jose Antonio Santano hautatu zuten berriro alkate.
2019ko udal hauteskundeakaldatu | aldatu iturburu kodea]
2019ko udal hauteskundeen ondoren ere, José Antonio Santano (PSE-EE) aukeratu zuten alkate berriro.
Udal hauteskundeen jarraipen historikoaaldatu | aldatu iturburu kodea]
Irungo udalbatza | |||||
Alderdia | 2019 | 2015 | |||
Zinegotziak | Boto kopurua | Zinegotziak | Boto kopurua | ||
Euskadiko Alderdi Sozialista (PSE-EE(PSOE)) | 10 / 25 | 10 / 25 | |||
Euzko Alderdi Jeltzalea (EAJ) | 7 / 25 | 5 / 25 | |||
Podemos, Ezker Anitza-IU* | 4 / 25 | 5 / 25 | |||
Euskal Herria Bildu | 3 / 25 | 3 / 25 | |||
Euskadiko Alderdi Popularra (PP) | 1 / 25 | 2 / 25 | |||
*2015eko hauteskundeetan Sí Se Puede Irun (SPI) gisa aurkeztu zen koalizioa. | |||||
Datuen iturria: Hauteskundeen emaitzak euskadi.eus webgunean |
Alkateakaldatu | aldatu iturburu kodea]
Hauek izan dira Irungo azken alkateak:
Alkatea | Agintaldi hasiera | Agintaldi amaiera | Alderdia |
Jose Javier Chapartegui Larrañaga | 1979 | 1983 | Euzko Alderdi Jeltzalea |
Ricardo Etxepare Zugasti | 1983 | 1983 a | Euzko Alderdi Jeltzalea |
Francisco Alberto Buen Lacambra | 1983 | 1987 | Euskadiko Alderdi Sozialista |
Francisco Alberto Buen Lacambra | 1987 | 1991 | Euskadiko Alderdi Sozialista |
Francisco Alberto Buen Lacambra | 1991 | 1995 | Euskadiko Alderdi Sozialista - Euskadiko Ezkerra |
Francisco Alberto Buen Lacambra | 1995 | 1999 | Euskadiko Alderdi Sozialista - Euskadiko Ezkerra |
Francisco Alberto Buen Lacambra | 1999 | 2002 b | Euskadiko Alderdi Sozialista - Euskadiko Ezkerra |
Jose Antonio Santano Clavero | 2002 | 2003 | Euskadiko Alderdi Sozialista - Euskadiko Ezkerra |
Jose Antonio Santano Clavero | 2003 | 2007 | Euskadiko Alderdi Sozialista - Euskadiko Ezkerra |
Jose Antonio Santano Clavero | 2007 | 2011 | Euskadiko Alderdi Sozialista - Euskadiko Ezkerra |
Jose Antonio Santano Clavero | 2011 | 2015 | Euskadiko Alderdi Sozialista - Euskadiko Ezkerra |
Jose Antonio Santano Clavero | 2015 | 2019 | Euskadiko Alderdi Sozialista - Euskadiko Ezkerra |
Jose Antonio Santano Clavero | 2019 | Jardunean | Euskadiko Alderdi Sozialista - Euskadiko Ezkerra |
a Alkateak ez zuen legegintzaldia bukatu.
b Alkateak ez zuen legegintzaldia bukatu.
Euskaraaldatu | aldatu iturburu kodea]
Euskaldunen kopurua ez da Irunen oso handia Gipuzkoako beste eskualde batzuekin alderatuz gero; 1950etik Espainiatik etorritako etorkinek eragina izan dute horretan (udalerriko helduen ia %60 ez da Irunen jaio), beste arrazoi batzuen artean. Hala bada, 2006an, irundarren %36,5ek ondo zekien euskaraz, eta %20,4k zerbait bazekien, nahiz eta oso ondo moldatu ez. Hori hizkuntza-gaitasunari dagokionez; transmisioa dela eta, 2006an %21 inguruk zeukan ama-hizkuntza moduan, eta jendearen %17,5ek erabiltzen zuen etxean.
Tokiko euskara iparraldeko goi nafarrera zen XX. mendearen azkenalde arte (eta halaxe da gaur egun ere zaharrenen artean), baina gaur egun sortaldeko gipuzkeraren barne dagoen Bidasoako euskara da bertan katalogatutakoa.
Irungo tituluakaldatu | aldatu iturburu kodea]
Hiriaren leloa: Vigilantiae Custos
Honako titulu hauek azaltzen dira Irungo armarrian: Hiri Noblea eta Leiala, Meritu handikoa eta Eskuzabala, Heroikoa, Humanitarioa.
Ondasun nabarmenakaldatu | aldatu iturburu kodea]
- Junkaleko Andre Mariaren eliza, hiriko eliza nagusia, gehiena XVI-XVII. mendeetan eraikia eta Andre Mariari eskainia. Monumentu izendatua dago. Haren atzean terma eta bainu erromatarrak topatu dira.
- Irungo udaletxea. XVIII. mendeko eraikin barrokoa.
- San Joan Harri, udaletxe aurrean dagoen XVI. mendeko oroitzapenezko zutabea.
- FICOBA erakustazoka
- San Martzial baseliza. XVI. mendekoa.
- Oiasso Erromatar Museoa
- Konpantzia edo Faisaien Uhartea, Hendaiarekin erdibana duen Bidasoa ibaiko uhartea. Bertan Frantziaren eta Espainiaren arteko bakea hitzartu zen 1659an.
- Arbelaitz jauregia
- Urdanibia jauregia
- Ama Xantalen baseliza. Lehen mendeko tenplu eta nekropoli baten arrastoak topatu dira bertan. Gipuzkoan dagoen X. mendeko eliza bakarra da.
- Ama Xantalen iturria
- Gaztelu Zahar gaztelua
Ekonomiaaldatu | aldatu iturburu kodea]
Lehen sektoreak ez du garrantzirik. Kokapen estrategikoarekin bat doa bertako ekonomia: mugan dago eta aduana-agentziak eta garraio-zerbitzuak nagusitu ziren, 1993an estatu-mugak merkataritzarako desagertu ziren arte; orduz geroztik hirugarren sektorea birmoldatzen ari da. Merkataritza eta zerbitzu-gunea da eta industriak ere badu garrantzia (txokolatea, portzelanak, trenbide-materialaren konponketa eta mantenimendua elektromekanika eta makina-erreminta). Lanean ari den populazioaren % 60 hirugarren sektorean dabil eta % 40 inguru bigarrenean.
BEGaren arabera, honela banatzen ziren sektoreak 2017an: lehen sektorea, %0,1. Bigarren sektorea %17,5. Hirugarren sektorea %75,2. Eraikuntza %7,2.
Kulturaaldatu | aldatu iturburu kodea]
Festakaldatu | aldatu iturburu kodea]
- Apirilaren 25a, San Marko, Opilaren eguna
- Ekainaren 30a, San Martzialgo alardea (edo, bertan esaten den moduan, San Martzialak)
- Uztailaren 31, San Ignazio, Behobia
- Maiatzaren 15a, San Isidro, Landetxa
- Abenduaren 21a, San Tomas jaia, txistorraren eguna
Irundar ospetsuakaldatu | aldatu iturburu kodea]
- Joxe Mari Lopetegi (1875-1942), bertsolaria.
- Ramón Iribarren Cavanilles (1900-1967), ingeniaria.
- Gaspar Montes Iturrioz (1901-1998), margolaria.
- Castor Narvarte (1911-2011), filosofoa, idazlea, Txilen erbesteratua.
- Luis Mariano —Mariano Eusebio Gonzálezen izen artistikoa— (1914-1970), kantaria.
- Menchu Gal (1914-2008), margolaria.
- Jose Maria Agirre Salaberria (1919-2009), milizianoa, bizirik atera zen Mauthausengo kontzentrazio esparrutik. Markinan jaioa, Irunen hazi zen.
- Carlos Blanco Aginaga (1926-2013), idazle, irakasle, frankismoak erbesteratua.
- Luis Pedro Peña Santiago (1933-1994), idazle, mendizale eta etnologoa.
- Fernando Larrukert (1934-2016), argazkilaria.
- Ricardo Etxepare Zugasti (1948) EHUko Udako Ikastaroen zuzendaria (1984-2015)
- Gabriel Narzabal (1954) eskulturea, Oxin-Borobil bidegorriko Laiak eskulturaren egilea.
- Alberto Gorriz (1958-), futbolaria.
- Jabier Muguruza (1960-), musikari, abeslari eta idazlea.
- Fermin Muguruza (1963-), musikari eta abeslaria.
- Iñigo Muguruza (1964-), musikari, abeslari eta idazlea.
- Markos Zapiain Agirre (1963-), filosofoa.
- Jon Sistiaga (1967-), kazetaria.
- Ricardo Etxepare (1968-), hizkuntzalari eta ikertzailea.
- Juanma Sarasola Murgia "Xaun" (1969-), idazle eta kazetaria.
- Javier Yubero (1972-2005), futbolaria.
- Lourdes Maldonado (1973-), kazetaria.
- Amaia Montero (1977-), abeslaria.
- Juanma Garate (1976-), txirrindularia.
- Joseba Larratxe "Josevisky" (1985-), komikigilea.
- Ander Elosegi (1987-), piraguista, ur bizietan laugarren izan zen 2009ko Pekingo Olinpiar Jokoetan.
- Manu Goiogana Bengoetxea (1987-), bertsolaria.
- Sandra Ramajo (1987 - ), futbolaria.
- Leire Baños Indakoetxea (1996 - ), futbolaria.
- Sara Olaizola (1997 - ), futbolaria.
Argazki galeriaaldatu | aldatu iturburu kodea]
Erreferentziakaldatu | aldatu iturburu kodea]
- ↑ Euskal Herriari Begira. Udalbiltza.
- «Etxeko erabilera» Euskararen erabilera (Wikipedia).
- «El Tribunal de Justicia Europeo declara que España incumple la Directiva de Tratamiento de Aguas Residuales», iAgua, 2011-04-15. Eskuratze data: 2011-04-26.
- «[Erreportajea 5.000 urteko paseoa»] Bidasoko Hitza 2020-05-22 Noiz kontsultatua: 2020-10-29.
- «IRUN.ORG: Espacio Deportivo San Marcial Txingudi» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «IRUN.ORG: Zure zerbitzura - Guía de Servicios. Ficha - Zerbitzuen gida. Fitxa» www.irun.org Noiz kontsultatua: 2020-04-18.
- «AMAIA KZ - Irun» www.irun.org Noiz kontsultatua: 2020-04-18.
- «Biblioteca Municipal / Udal Liburutegia» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «Gazteleku Martindozenea» www.irun.org Noiz kontsultatua: 2020-04-18.
- «Conservatorio y Escuela de Música Municipal de irun» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «KZ GUNEA IRUN» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- «IRUN.ORG: Ayuntamiento: Irun para vivir - Entidades - Erakundeak - Ficha» www.irun.org Noiz kontsultatua: 2020-04-18.
- ↑ «Web Eustat. Irunko datu estatistikoak» eu.eustat.eus Noiz kontsultatua: 2020-04-18.
- ↑ «Jose Antonio Santano, Irungo alkate» Bidasoko Hitza 2015-06-13 Noiz kontsultatua: 2020-04-19.
- ↑ «Jose Antonio Santano beste lau urtez alkate» Bidasoko Hitza 2019-06-15 Noiz kontsultatua: 2020-04-19.
- ↑ (Gaztelaniaz) «Base de datos de Alcaldes y Concejales:: Ministerio de Política Territorial y Función Pública ::» www.mptfp.gob.es Noiz kontsultatua: 2021-02-06.
- ↑ «Irun. Historia - Auñamendi Eusko Entziklopedia» aunamendi.eusko-ikaskuntza.eus Noiz kontsultatua: 2021-05-17.
- «Irastortza Amiano, Gumer - Ahotsak.eus» ahotsak.eus Noiz kontsultatua: 2018-09-06.
- «Ahotsak.eus, Euskal Herriko hizkerak eta ahozko ondarea» www.ahotsak.eus Noiz kontsultatua: 2018-09-06.
- «Tratu mingarria eskolan; jaunartzea eta doktrina - Ahotsak.eus» ahotsak.eus Noiz kontsultatua: 2018-09-06.
- Irungo euskararen egoerari buruzko artikulua Argia astekarian (2009-04-12). argia.com Noiz kontsultatua: 2009-04-12.
- «Sortaldekoa (G) - Ahotsak.eus» ahotsak.eus Noiz kontsultatua: 2018-09-06.
- «Bidasoakoa - Ahotsak.eus» ahotsak.eus Noiz kontsultatua: 2018-09-06.[Betiko hautsitako esteka]
- ↑ www.irun.org Noiz kontsultatua: 2020-04-19.
- ↑ www.irun.org Noiz kontsultatua: 2020-04-19.
- www.irun.org Noiz kontsultatua: 2020-04-19.
- «Irungo Udaletxea: Historia» www.irun.org Noiz kontsultatua: 2020-04-19.
Kanpo estekakaldatu | aldatu iturburu kodea]
Euskarazko Wikipedian bada atari bat, gai hau duena: Gipuzkoa |
- Irungo Udala
- Irungo Hitza
|
|
- Wikipedia:Kanpo esteka hautsiak dituzten orriak from otsaila 2021
- Irun